الزمن كفّى ووفّى..

آه منك يا زمن
يوم انك عرفت ....
كيف ترجعني لذكرياتي؟؟
آه منك كانك...
عرفت اشلون طريق عذابي؟؟
وآه منك يا جروح
ما عرفتي بالدنيا غيري...!!
تعبت من ظلم الليالي
بوحدتي أحاتيك فيها..
حاولت أداري حزن قلبي
وحاولت أداري دمعاتي..
لقيت ان ها القلب
مصيرة يتحمل آهاتي..
مسكين
لا عرف للحزن بديل ولا للأمل طاري..
وأخيرا
قلت ياقلب هاك
حب جديد لحبك ينادي..
مادريت
ان ها الحب صاح فيني
وقلّب كل أوجاعي....
وآآآه منك يازمن
مابغيتي تفرح معاي ولا بغيت تتركني بحزني

خاطرة جدا رائعة


و كانه نابعة من قلبك الى قلمك


اشكرك على احساسك المرهف


ودمتي في ابداعك


تقبلي مروري

طلبتك يـا زمـن وقـف !! قبـل مـا تنهـي أيامـي

بعيش اللي بقى من عمري ترى باقـي أمـل فينـي

عدمت الفرحة في عيني و بعد ناوي علـى إعدامـي

حرام... تسوي كل هـذا تـرى اللـي فينـي يكفينـي

أشوف و مـا أشـوف إلا عـذاب بداخلـي حامـي

يجـي أحيـان يخليـنـي ((بغيبـوبـة)) و ينهيـنـي

أبـي مـره و لـو مـره أشـوف الفرحـة قـدامـي

و لكـن وينهـا الفرحـة أمـوت و مـا تعزينـي. !

قضى عمري و انا أعطي غيري بالفرحة و انا ضامي

أفرحهـم و أجاملهـم و انـا بحـر الحـزن فينـي ! !

كبيرة حيل طعناتي و كبيـرة ارماحـي و اسهامـي

((أطيـح و رافـع ٍ إيـدي أبـي أحــد ٍ يقويـنـي)). !

أبي أي شخص يفهمني و يواسي جرحـي الدامـي

أجي كـل يـوم متضايـق و أبـي مـن يواسينـي

ملامح وجهي عطاها الشقـى و الهـم و اوهامـي

كأن الوقت فـي عمـري خلـق ضيقـة تخاوينـي

أجي بك يا زمن أركـض أسابـق خطـوة أقدامـي

و مصيبة يوم انا جيتـك مـن الأحـزان تسقينـي

وصلتك يا زمن ميـت أبـي تجمـع لـي احطامـي

وصـلت لرحمتـك و أنـت وضميـرك لا تخلينـي

و ربـي قمـت احـس إن الألـم يفـرح بـآلامـي

و حتى أصابعـي بيـدي تسـاوت عنـدي بعينـي