انـــا ابـغــى فـــرح سـاعــه

تفضـل ياقـلـم واكـتـب عــن الـلـي داخــل الـوجـدان
تفـضـل يـاقـلـم عـبــر وش الـلــي سـاكـنـن فـيـنـي

وانــا بـرتـب المـعـنـى عـلــى الابـيــات والقـيـفـان
اليـن اكسـب رضـى نفسـي وشـوف البيـت يعنينـي

تعبت ارضي نفوس الناس وانا في داخلي زعـلان
وانـا راضـي مـع الراضـي ولكـن مــن يراضيـنـي

صحيـح اجامـل بضحكـه ولكـن كـل ابـوي احــزان
اعـانـي مـــن جـروحــن نـــوب تثنـيـنـي وتلـويـنـي

انــا مبـعـد عــن العـالـم خذتـنـي رحـلـة النـسـيـان
مــع حـزنـي مــع هـمـي ولا دري ويـــن ترمـيـنـي

علـى كـف القـدر مـاشـي انــا رابــح ولا خـسـران
مـبـحـر مــــع ليـالـيـهـا غـريـبــن مــــن يـنـاديـنـي

وسكنـت برحلتـي ديـره بهـا الاحـزان هــم سـكـان
وغـديـت بجـوهـا ضـايـع امـاشـي مــن يماشـيـنـي

وخذتـنـي غـربـة الايــام مـوجـودآ ولا لـــي شـــان
إلـيـن الـيـاس صادفـنـي وهـنـا مــدري انــا ويـنـي

وكملـت العـمـر بـاقـي عـلـى حـظـن نـعـس تعـبـان
بــلا اهـــداف مستـقـبـل حـيـاتـي ويـــش محيـيـنـي

وانا الدكتور اداوي جرح من جاني وانا المرضان
وانــا ياكـيـف اداوي جــرح طـبـه جــرح يكـويـنـي

وانـا تايـه مـع الزحـمـه صغـيـر مضـيـع العـنـوان
عجـزت اوصـف وش الـلـي داخـلـي دايــم يبكيـنـي

واناالدمـعـه عـلـى خــد اليـتـيـم الـنــادم الغـلـطـان
قـبـل يظـهـر سـنـى شـمـسـي طـلـبـت الله يهـديـنـي

وانا غصنـن بـدون اوراق وحـده مايـل وعطشـان
يصفقنـي الهـوى وذنبـي علـى اللـي كـان يسقينـي

وانا سحبـن بـدون امطـار انـا صحـرى بـلا وديـان
وانــا بـحــرن وظـلــم الـنــاس ظالـمـنـي وبالـيـنـي

وانـا شاعـر وحبـري دم ينـزف مـن ورا الشريـان
الــى نـامـت عـيـون الـنـاس ليـلـي قـــام يدعـيـنـي

يقـول انـت معـي خلـك علـى شـط الحـزن سهـران
ويشـكـي لــي وانــا اشـكـي لــه الا يالـيـل تعفيـنـي

وانــا ارجــي امــل بـكـره وبـكـره مـرنـي غـفـيـان
وانــا ياكـيـف ارجـــع امـــس لا مـاعــاد يمـديـنـي

الا يـاوقـت انــا منـهـان الا يـاوقــت انـــا انـســان
الا يــاوقــت لــيــه انــــت تــحــب انــــك تـعـنـيـنـي

الاياوقـت ون فرحتنـي ويــش انــت بــي خـسـران
انـــا ابـغــى فـــرح سـاعــه وبـعــده لـــك تبكـيـنـي

انــا ابـغـى يلـيـن الـلـي عـلـى دربــي ابــد مـــالان
وابـي يمشـي نـهـر يـاسـي ويحـيـى لــي بساتيـنـي

ويفـوح العطـر مـن ورده ويحيـى خاقـفـن ولـهـان
وتـرقــد عـيـنـي الـلــي لـيـلـهـا دايــــم مـخـاويـنـي

تفضـل ياقـلـم واكـتـب عــن الـلـي داخــل الـوجـدان
تفـضـل يـاقـلـم عـبــر وش الـلــي سـاكـنـن فـيـنـي

انا الشاعر انـا الشقيـان انـا اللـي مرتـب القيفـان
ولكنـي عجـزت اوصـف وش اللـي ساكـنـن فيـنـي

ودمتم بحفظ الله