اتنفسك يعني غدا حبـك دواء جـرح العليـل

استأذنك ودي اكون اقرب من انفاسـك قليـل
لا ترفضي قربي وانا في عيني الدنيا عـذاب

استأذنك فيني الم واحساس في صدري قتيـل
والحزن يرسم يا غلا باقي متاهـات الغيـاب

اتخيلك وادري معك قلبي لقـى اجمـل خليـل
طِيِبَه ولا به في البشر من يشبهك يا ام العجاب

حبك خذا بقلبي مكان وما بقى لغيـرك سبيـل
وارسى بداخل خافقي عرشك ومطلوبه يجـاب

اتنفسك يعني غدا حبـك دواء جـرح العليـل
واشتقالك يعني خلاص الشوق صوبني وصاب

يا سيدة كل البنات اللي لها الوصف الجزيـل
ما حس قلبك بالهوى يومه سكن قلبي وذاب ؟

وما حس قلبك بالجريح اللي على بابك دخيل ؟
مكتوب له يلقى هواك يعيش به حلـم الشبـاب

احتاجلك ليتك معي وارسم معك حلمـي بليـل
واشوف بعيونك حنان يعوض العمر اللي غاب

اشتاق لك قيسي معي مابين مجلاسي وسهيـل
عل وعسى يا مغرمي انسى معك كل العـذاب

» يعني من أجل { عين } تكــــرم مدينهـ ..
» لإسعافات الأولية لاستخدام دواء خطأ