هذي القصيده تعتبر من اروع القصائد من حيث
الحكمه و الخبره في الحياه و الصديق وجميع علوم المرجله
وهي للشريف بركات بن عبدالمطلب . من اشراف مكة
وهذي قصيدته المشهورة بوصيتة لإبنه مالك حيث يقول:
يـا الله يالـلّـي كــل الأمــات ترجـيـك
يـاواحــد ٍ مـاخــاب حّـــي ٍ تــرجــاك
يـارب عبـد ٍ مامشـى فـي معاصيـك
ولايمشـي إلا فـي محبتـك ورضــاك
يامـرقـب ٍ بالـصـبـح ظـلـيـت بـاديــك
مـاواحــد ٍقـبـلـي خـبـرتــه تــعــلاك
ولّـيـت يــاذا الـدهـر ماكـثـر بـلاويــك
الله يـزودنـا الـسـلامـة مـــن اتـــلاك
ياللي على العربان عمـت شكاويـك
ولّـيـت يـادهــر الـشـقـا ولّ مـقــواك
واليـوم هــا لكـانـون غــاد ٍ شبابـيـك
تلعـب بـه الاريـاح مــن كــل شـبـاك
يامالـك اسمـع جابتـي يـوم اوصـيـك
واعـرف تـرى يابـوك بـآمـرك وانـهـاك
وصـيـة مـــن والـــد ٍ طـامــع ٍ فـيــك
تسبق على الساقه لسانـه العليـاك
أوصيـك بالتقـوى عسـى الله يهديـك
لـهــا وتـدركـهـا بـتـوفـيـق مــــولا ك
الله بـــرب أجـــدادك الـغــرّ يعـطـيـك
مرضاتـه مــع ماتمـنـى مــن إمـنـاك
إحفظ دبشك اللّي عن الناس مغنيك
اللّـي ليـا بــان الخـلـل فـيـك يـرفـاك
وإعـرف تــرى مـكـه ولاهــا بناخـيـك
لو تشحذه خمسة مـلا ليـم معطـاك
إجعـل دروب المرجلـه مــن معانـيـك
وإحـذر تميّـل عــن درجـهـا بمـرقـاك
لا تنسـدح عنـهـا وتبغـانـي اعطـيـك
جـمـيـع مايكـفـيـك مـاحـاصــل ٍ ذاك
أدب ولـدك إن كــان تبـغـاه يشفـيـك
لــو ضـاقـت إمـــه لا تخـلـيـه يـــالاك
إما سمج واستسمجك عند شانيـك
ويفـر مـن فعلـه صديـقـك وشــرواك
والا بـعـد جهـلـه تــرا هـــو بـيـاذيـك
لــو زعـلـت امــه لاتخـلـيـه يـــا لا ك
وإحذر تضّيع كـل مـن هـو ذخـر فيـك
مـعـروف لاتنـسـاه واوفـــه بـعـرفـاك
تـرى الصنايـع بيـن الاجـواد تشـريـك
إلـيـا طـمـعـت بغـرسـهـا لا تـعــداك
وإحـذر ســرور بغـبـة البـحـر يرمـيـك
ولا عنده افلس مـن تشكّيـك وبكـاك
وأوف الـرجـال حقوقـهـا قـبـل تاتـيـك
لا توفـيـه بـالـهـرج فـالـحـق يـقـفـاك
وهرج النميمـه والقفـا لا يجـي فيـك
وأيــاك عــرض الغـافـل أيــاي وإيــاك
تبـدي حديـث ٍ للمـلا فـيـه تشكـيـك
وتهيم عند النـاس بالكـذب واشـراك
والـيـا نـويـت إحــذر تعـلـم بـطـاريـك
كم واحد ٍ تبغـى منـه عـرف وأغـواك
وأحذر شماتت صاحب ٍ لك مصافيـك
ولـيـا جـرالـك جــاري ٍ قـــال لـــولاك
و لا تحسـب ٍ ان الله قطـوع ٍ يخليـك
و لا تفرح إن الله علـى النـاس بـداك
الضيـف قـدم لـه هـلا حـيـن يلفـيـك
وممّـا تطولـه يافـتـى الـجـود يمـنـاك
إحـذر تلقـي الضيـف مقـرن علابـيـك
خلـه محـب ٍ لـك صديـق ٍ لـيـا جــاك
ووصيـك زلا ت الرفيـق ان عثـا فـيـك
مازال يغّطاها الشعـر فـا حتمـل ذاك
راعـه ولـو مـا شـفـت إنــه مراعـيـك
عسـاك تكسـر نيـتـه عــن مـعـاداك
وإحذر عـدوك لـو ظهـر لـك مصافيـك
خـلـك نبـيـه وراقـبـه ويـــن مـاجــاك
لا تامـنـه واطـلـب مــن الله ينـجـيـك
ويكـفـيـك ربـــك شـــر ذو لا وذولاك
شفني انـا يـا بـوك بـآ مـرك وانهيـك
عـن التعـرض بيـن الاثنـيـن حــذراك
إذا حـضـرت اطـلابـة ٍٍ بــه شـرابـيـك
اسـع لهـم بالصلـح والـلاش يـفـداك
ابــذل لـهـم بالطـيـب ربــك ينـجـيـك
ولا تجـضـع المـيـزان مـــع ذا ولا ذاك
أمـا الشهـاده فـادهـا إن دعــوا فـيـك
بيّـن عمـود الديـن لا عمـيـت أريــاك
بالـك تمـاشـي واحــد ٍ لــك يـرديـك
طالع بنـي جنسـك وفكـر بممشـاك
رافـق أصيـل ٍ فـي زمانـك يشاكـيـك
لاشاف خـلا تـك عـن النـاس غطّـاك
وحذراك عن طـرد المقفـي حذاريـك
عليـك بالمقبـل واتـرك اللّـي تـعـداك
ثـم إلعـن الشيطـان حـذراك يغـويـك
تـــرى ان تـبـعـتـه لـشـرابـيـك وداك
وأوصيـك لا تشـكـي عليـنـا بـلاويـك
انـت السبـب اطرفـت عينـك بيمنـاك
وإعرف ترى اللّـي واطـا الفعرواطيـك
ولاأنتـه أعـزمـن الجمـاعـه هــذولاك
ألمسك ياراسي من الـذل وأخطيـك
وأحــذر تكـلـم يالـسـانـي وحـــذراك
وألطف بجـارك قـوم مـن دون عانيـك
وافطن لما يعنيـك عـن ربعـة اخـواك
ياذيب وإن جتـك الغنـم فـي مفاليـك
فـا كـمـن لـهـا يـاذيـب لامــا تـعـداك
فيمـا مضـى ياذيـب تـفـرس بيـاديـك
واليوم جاء ذيـب عـن الفـرس عـداك
ياذيـب عاهدنـي وعـاهـدك مارمـيـك
مرميـك أنــا يـاذيـب لــو زان مـرمـاك
والنفـس خـا لـف رايهـا قبـل ترمـيـك
ترى لها الشيطان يرمـي بـا لاهـلاك
ومن بعد ذا لاتصاحـب النـذل يعديـك
عـن صحبـة الانـذال يـابـوك حــذراك
والهقـوة انــك ماتـجـي دون أهالـيـك
ولا ظـن عــود الــورد يثـمـر بتمـبـاك
والحر مثلك يستحـي يصحـب الديـك
وإن صـا حبـه عاعـا مععـات الاديــاك
لا تستمـع قـول الطـرف يـوم يلقيـك
بالكـذب يقضـي حاجتـه كـل ماجـاك
من نّم لـك نّـم بـك ولا فيـه تشكيـك
وألــيــاه قــــد زرى رفـيــقــك وزراك
عنـدك حكـا فينـا وعنـدي حكـا فيـك
وأصبـحـت كارهـنـا وحـنــا كـرهـنـاك
ماخطـاك ماصابـك ولـو كــان رامـيـك
واللّـي مصيبـك لـو تتقـيـت مخـطـاك
مير استمع مني عسى الله يهديـك
النصـح يــا مــا لــك لــك الله مــولاك
عـنـدي مظـنـه مــا تمثلـتـهـا فـيــك
واطلب لك التوفيق مـن عنـد مـولاك
الخميس مايو 26, 2011 7:17 pm
