..( وش عاد لو أنك على الفرقا نويـت )..

وش عاد لو أنك على الفرقا نويـت
اللي سواتـك لا رحـل مـا نتبعـه

أن جيت وإلا رحـت والله مادريـت
حبل الوصـل ترخيـه وإلا تقطعـه

يا ميت الاحساس بالله وش بغيـت
ما فـات مـات ولا تفيـد الأقنعـه

عطيتك أيامي ولاكـن وش خذيـت
يا غير قلب ن من صدودك مشبعـه

أجيك كلي شوق وأشوفـك طغيـت
ما صنت حبي لك وقلبـي تخدعـه

وفيت لك بالحب لاكـن مـا وفيـت
كنت احسب أن الحب فيني تزرعـه

خلاص من جرحك وطعناتك شفيـت
لا تعتذر لي روح عنّي فـي السعـه

أول على فرقاك يـا الغالـي بكيـت
أعيـش بغيابـك بجـو المعمـعـه

والحين لا والله عن الماضي سليـت
شفني على فرقـاك قلبـي مقنعـه

لقيت مـن يسـواك لا والله لقيـت
خلن خفوقي مـن شتاتـه يجمعـه

أغليه وأحبّـه وفـي قربـه حييـت
كن الغلا من صوت همسـه منبعـه

لامن حكى كنى عن الدنيـا سريـت
وأن طال صمته تهت في صمته معه

جيته وأنا ضميان وبشوفـه رويـت
وزالت همـوم ن بالصـدر متربّعـه

لبـا خـدوده والجمـال الكمبليـت
ولبا العيون اللـي هدبهـا مروعـه

وإلا أنت روح أن طعتني دامى نسيت
لا يجرحك منّـي كـلام ن تسمعـه

منـــقووول

رائع ماخطته لنا اناملك

استمر بعطائك

تقبل ودي